Maggi fimmtugur

Já ótrúlegt en satt - maðurinn er orðinn fimmtugur.

Á miðnætti var opnuð kampavínsflaska og pakkar opnaðir, læt nokkrar myndir fljóta með. Í morgun var svo „speglaterta" sem heitir réttu nafni Kanilterta en var alltaf á spegli í stórafmælum hjá ömmu og afa og hefur fengið þetta nafn :-)

Ofninn hér er ekki sérstakur, mælieiningar aðrar og hráefni að sjálfsögðu ekki það sama... en hún lukkaðist ágætlega. Útlitið hefði mátt vera betra, ekkert kökufat til á heimilinu en hún var bara nokkuð góð - þó ég segi sjálf frá :-)

Í kvöld er ég búin að panta borð á veitingastað hér ekki langt frá, skemmtilegur matseðill þar en ég ætla ekki að segja meira... strax.

Mamma hans sendi pakka og kort, hér er sá gamli að lesa kortið...

Spennan eykst... Það var búið að leggja á borð fyrir morgunmatinn, keyptir voru túlipanar og í leiðinni keypti ég blóm á svalirnar. Þau fá vonandi að vera í friði fyrir íkornanum, vini okkar!

...og það var þessi fína klukka...

...sem passar flott á arinhilluna.

Þá voru það pakkarnir frá mér... það var ekki til afmælispappír og engin ástæða til að kaupa rúllu til að henda beint í ruslið. Svo ég skrifaði bara skemmtileg skilaboð utaná annan þeirra, þau verða ekki sýnd hér - ekki fyrir viðkvæma :-)

Fyrsta var það dýna..... hmmmmmmm hvað á að gera við hana?

Svo aðal græjurnar... Nú á bara eftir að hengja þetta á einhverja hurðina hér og byrja að æfa! Þessi gjöf var nú ekki illa meint... sumir gefa sér bara ekki tíma í ræktina og hann sá þetta einhverntíman í auglýsingu og fannst þetta sniðugt, vona samt að þetta endi ekki eins og líkamsræktartæki á þúsundum heimila „undir rúmi"...

Þarna er eiginkonan hálf (morgun)úldin... með kökuna góðu og búin að syngja afmælissönginn...

Þá var ekkert annað eftir en að blása á kertin og ráðast á kökuna.

Til hamingju með daginn Maggi minn...

Afi bauð fólki í 100 ára afmælið sitt þegar hann var 99 ára, það eru mörg ár í það enn :-)